ယောဂကျင့်စဉ်တွေဟာ စိတ်ရောကိုယ်ပါ ကျန်းမာစေဖို့အတွက် ကမ္ဘာတစ်ဝှမ်းလုံးမှာ ကျင့်သုံးနေကြတဲ့ လေ့ကျင့်ခန်းတစ်မျိုးဖြစ်ပါတယ်။ နေ့စဉ်မှန်မှန် ယောဂလေ့ကျင့်ခန်းလုပ်ပေးခြင်းအားဖြင့် ခန္ဓာကိုယ်ကျစ်လစ်လှပလာတာ၊ ပျော့ပျောင်းလာတာတွေအပြင် ကျန်းမာရေးအတွက် အကျိုးကျေးဇူးတွေလည်း ရရှိနိုင်ပါတယ်။
ကိုယ်လက်နာကျင်မှုကို သက်သာစေခြင်း
ယောဂကျင့်စဉ်တွေက ခန္ဓာကိုယ်ကို ပိုမိုပျော့ပျောင်းစေပြီး ကြွက်သားတွေကို သန်မာလာစေတာကြောင့် ကိုယ်လက်နာကျင်မှုဝေဒနာတွေကို သက်သာစေပါတယ်။
စိတ်ပိုင်းဆိုင်ရာ ကျန်းမာရေး
စိတ်ညစ်စရာ၊ စိတ်ရှုပ်စရာတွေကြုံလာရတဲ့အခါ ယောဂလေ့ကျင့်ခန်းက ဦးနှောက်ကို ပြန်လည်ကောင်းမွန်စေပြီး စိတ်ကျန်းမာရေးကို ကောင်းမွန်စေပါတယ်။
စိတ်ဖိစီးမှု လျော့ကျစေခြင်း
ယောဂလေ့ကျင့်ခန်းတွေဟာ စိတ်ကို ငြိမ်းချမ်းစေတာကြောင့် စိတ်ဖိစီးမှုတွေကို လျော့ကျစေပါတယ်။ အသက်ရှူလေ့ကျင့်ခန်းတွေပါ ပါဝင်တာကြောင့် စိတ်ကို တည်ငြိမ်စေပါတယ်။
စိတ်တည်ငြိမ်စေခြင်း
ယောဂလေ့ကျင့်ခန်းက စိတ်ပိုင်းဆိုင်ရာကို အေးချမ်းစေပြီး စိုးရိမ်ပူပန်မှုတွေကို ထိန်းချုပ်နိုင်စွမ်းရှိလာစေပါတယ်။
ကိုယ့်ကိုယ်ကို ထိန်းချုပ်နိုင်စွမ်းအားကောင်းလာခြင်း
ယောဂကျင့်စဉ်တွေက စိတ်တည်ငြိမ်မှုကို ဖြစ်ပေါ်စေတာကြောင့် ပြဿနာတွေ၊ စိန်ခေါ်မှုတွေကြုံလာတဲ့အခါ စိတ်မြန်လက်မြန်မဖြစ်ဘဲ အေးအေးဆေးဆေး ဖြေရှင်းနိုင်စွမ်းရှိလာပါတယ်။
အိပ်ပျော်စေခြင်း
ယောဂကျင့်စဉ်တွေက အိပ်မပျော်တဲ့ပြဿနာတွေအတွက် ကူညီပေးနိုင်ပြီး ခန္ဓာကိုယ်ရဲ့ အားအင်ကိုလည်း တိုးတက်စေပါတယ်။